約埋一齊行山

11 Nov 星期日，約好銓老闆、Jenny、阿榮、楊滿樑、Peter、Lin Lin、豬仔包、阿果、阿勝、潔華同埋我，總共11人一齊行山，早上0900hrs.荃灣兆和街合發（翠華）餐廳食早餐等。埋單時，阿榮話請食早餐，理由係佢最遲蒲頭喎。
原本潔華計劃圍繞水塘行一圈，因為怕大家好耐未行過，體力有限。但我就大膽建議更改路線，不如由城門水塘行去川龍。結果得到眾人贊成。
我地呢班人好耐都冇一齊喇，今次目的都係約埋出見面，吹水，而且係冇約事後打麻將，呢樣都算罕有喇。其實咁健康活動係有理由搞多d。要維持30幾年友誼，一d都唔容易，下次如果有活動，都希望有你參與。
話說呢程「龍門郊遊徑」係相當熱門路線，沿途有林蔭，有風景，又有小橋流水，鳥語花香，心情都靚d。我地當日都不斷遇到d行山人士由川龍行過。所以我地都不約而同話下次不如約早d上川龍飲早茶，然後行返城門水塘。
最後，大概1300hrs.行畢全程，川龍路口搭返綠色小巴落荃灣。呢次就由Peter哥請飲茶，理由係阿Lin上次贏麻將。睇怕下次我都要番個理由……
想知行山詳情可以去我呢個bloghttp://hkcitywalker.blogspot.com/
如果要睇相就去右手邊「相片集」。